Հորդանան

Բնակչություն

Հորդանանի բնակչությունը կազմում է ավելի քան 4մլն. մարդ: Էթնիկ խմբերն հետևյալն են՝ արաբներ- 98%, հայեր - 1%, չերքեզներ և չեչեններ - 1%: Արաբներից բացի երկրում ապրում են թուրքմեններ:

Լեզու

Պետական լեզուն արաբերենն է: Ողջ բնակչությունը քիչ թե շատ տիրապետում է անգլերեն լեզվին:

Կրոն

Հորդանանը մուսուլմանական երկիր է, սակայն այլ կրոնների համար արգելքներ չկան: Ճնշող մեծամասնությունը սյունի մուսուլմաններ են, կան նաև քրիտոնեա արաբներ:

Մշակույթ

Հորդանանը համարվում է մուսուլմանական երկիր, սակայն կրոնի ընտրության ազատությունը պաշտպանված է օրենքով: Մուսուլման կնոջ հագուստը փակում է ոտքերն, ձեռքերն ու մազերը: Արևմտյան կին զբոսաշրջիկը պարտադիր չի հետևի այդ կանոններին, սակայն շատ բաց հագուստ չի խրախուսվում: Հին Ամմանի ու գյուղական շրջաններում կանայք և տղամարդիկ պետք է հետևեն այս կանոններին: Շորտեր այստեղ ընդհանրապես չեն հագնում, Ամմանի կենտրոնին դա արգելված է անկախ սեռից: Առանց լողազգեստի վերնամասի արևարյուք ստանալը նույնպես արգելված է, նախընտրելի են փակ լողազգեստները:

Խոհանոց

Ոչինչ չի կարող համեմատվել արաբական խոհանոցի հետ: Ուտելիքն Արևմուտքում գրեթե պաշտպանմունք է: Ռեստորաններում վստահ պատվիրեք Մեզզե: Այն իրենից ներկայացնում է բազմազան խորտիկների խումբ, որը բավականաչափ հագեցնող է:  Ընդհանուր առմամաբ Հորդանանի խոհանոցը արաբական խոհանոցի անբաժանելի մասն է, սակայն ունի իրեն բնորոշ առանձնահատկությունները: Ուտելիքն այնքան էլ կծու և թթու չէ, որքան ընդունված  համարել: Ուտեստները համեմվում են անանուխի տերևներով, տարբեր կանաչիներով, լիմոնի բոլոր տեսակներով, սոխով, մարինացված ձիթապտղով, ընկուզներով և այլն: Ռեստորաններում և սրճարաններում սնունդը մատչելի է: Տեղական և արտասահմանյան ոգելից խմիչքներ կարելի է գնել ցանկացած ժամանակ, բացի մուսուլմանական մեծ պասի՝ Ռամադայի ամսից:  Շատ տարածված է տեղական արտադրության «Amstel» գարեջուրը, Իսրայելի, Հորդանանի գինիները: Խորհուրդ է տրվում փորձել առակ՝ տեղական  ջրով բացած կաթնային գույն ունեցող թունդ ըմպելիք:

Կլիմա

Հորդանանը միջերկրական կլիմայով երկիր է, որի շնորհիվ այն շուրջ տարի գրավիչ է դառնում զբոսաշրջիկների համար: Նոյեմբերից ապրիլ ամիսներին հնարավոր են տեղումներ: Ամենացուրտ եղանակը համարվում է հունվարը, ամենատաքը՝ օգոստոսը: Հունվար ամսվա միջին ջերմաստիճանը կազմում է + 6⁰С գիշերային ժամերին, +18⁰С – +21⁰С ցերեկային ժամերին, հուլիս ամսին՝ +17⁰С-ից +39⁰С:

Տրանսպորտ

Տեղափոխման ամենահարմարավետ տարբերակը տաքսին է: Սպիտակ տաքսիները մասնավոր են և մատչելի, որոնց վարորդները խոսում են միայն արաբերեն լեզվով և ճանապարհին վերցնում նոր հաճախորդներ:  Դեղին տաքսիները պետական են, որոնք նույնպես շատ թանկ չեն և ավելի ապահով: Այս տաքսիներում Դուք կլինեք միակ հաճախորդը: Ուղեվարձի համար պայմանավորվում են նախապես: Կարելի է նաև վարձով մեքենա վերցնել: