Օման

Բնակչություն

Օմանում բնակվում է ավելի քան 2903հազար մարդ: Գերակշռում են արաբական եմեն և նեջին ցեղերը, ինչպես նաև՝ բելուջներ և պարսիկներ:

Լեզու

Պետական լեզուն արաբերենն է: Առօրեայում օգտագործվում է արաբական բարբառը, որը շատ է տարբերվում գրական արաբերենից: Տուրիստական ոլորտում լայն գործածություն ունի անգլերեն լեզուն:

Կրոն

Պետական կրոնը իսլամն է, որը հանդիսանում է Օմանի մշակույթի հիմնական բաղադրիչը: Կրոնը միահյուսված է բոլոր սոցիալական հաստատությունների հետ:

Մշակույթ

Օմանի մշակույթի արմատները ձգվում են դեպի իսլամ: Օմանում սլամի սեփական տեսակն է՝ իբադիզմը: Այստեղ նշվում են բոլոր իսլամական տոները: Զբոսաշրջիկների խորհուրդ է տրվում այցելել Մուսկատ փառատոն, որը տոնվում է փետրվար ամսին, նաև Ազգային օրվա փառատոնը և այն: Փառատոների ժամանակ սովորաբար հնչում են ազգային երաժշտություն և ազգային պարեր պարում: Ի դեպ, Օմանի յուրաքանչյուր շրջան ունի իրեն բնորոշ ազգային երաժշտական ավանդույթները: Այդ պատճատով Օմանում կա 3 տեսակի ազգային երաժշտություն:

Խոհանոց

Օմանում ազգային սննդամթերք են համարվում բրինձը, միսը (գառան, տավարի, թռչնամիս), կաթնամթերքը և ձուկը: Օմանի ազգային ուտեստներից են maqbous (շաֆրանով և մսով բրինձ), aursia (համեմված միս), shuwa (միս, որը 2 օր շարունակ պատրաստվել է գետնի տակ գտնվող կավե ամանի մեջ), mashuai (բրնձով մատուցվող միս շամփուրի վրա), rukhal (կրակի վրա տապակված հաց, որը մատուցվում է մեղրի հետ միասին): Ամենահայտնի քաղցրավենիքներից է հալվան: Ավանդական ոչ ալկոհոլային խմիչքներից է սուրճը, թեյը, լաբանը, յոգուրտը: Միևնույն ուտեստի պատրաստման տարբերությունը կախված է առանձին շրաջաններից: Անփոփոխ է միայն Օմանի հյուրընկալությունը:

Կլիմա

Օմանի կլիման տրոպիկական է, շատ տաք: Օդի միջին ջերմաստիճանը +28,3С է: Ամենաբարձր ջերմաստիճանը կազմում է +38С, իսկ ամենացածրը՝ հունվար և փետրվար ամիսներին +19С: Տարեկան տեղումների միջին քանակը 99մմ:

Տրանսպորտ

Խոշոր քաղաքների ներսում գործում է ավտոբուսների ցանց: Սակայն ավելի նախընտրելի է օգտվել տաքսիներից: Ուղեվարձի մասին պետք է պայմանավորվել նախապես: