Պանամա

Բնակչություն

Բնակչության զգալի մասը կազմում են աֆրիկացի սևամորթների սերունդները, տեղի քաղաքային և սոցիալական էլիտան ներկայացնում են իսպանացիները: Այստեղ բնակվում են բազմաթիվ էմիգրանտներ Եվրոպայից և ԱՄՆ-ից, որոնց թվում շատ են թոշակառուները: Կա մեծ չինական Սփյուռք, ավելանում է նաև արաբական երկրներից և Հնդկաստանից ներգաղթածների թիվը:

Լեզու

Երկրի պետական լեզուն համարվում է իսպաներենը, իսկ որպես առօրեա լեզու օգտագործվում է հնդկական լեզուները (Կարիբյան ծովի առափնյա շրջաններում տարածված է անգլերենը):

Կրոն

75%-85% կազմում են կաթոլիկները, 15%-25% բողոքականները, 2% բահայականները, 1,31% Եհովայի վկաները, 1,1% մորմոնները:

Մշակույթ

Պանամայի մշակույթը ձևավորվել է տարբեր պատճառներով այստեղ բնակեցված ազգերի միախառնումից: Այստեղ շատ է գնահատվում պարելու ունակությունը: Շատ տարածված է ապլիկացիաների, տեքստիլե դիզայներության և այլ ձեռագործ ապրանքների պատրաստումը:

Խոհանոց

Պանամայի խոհանոցն, ինչպես Կենտրոնական Ամերիկայի մյուս երկրների խոհանոցները, հիմնված է իսպանական և հնդկական խոհանոցների վրա: Այստեղ շատ են օգտագործում եգիպտացորեն, բրինձ, միս, բազմաթիվ բանջարեղեններ և համեմունքներ, որոնք հաճախ տապակվում են բոլորը միասին մեծ քանակությամբ յուղի մեջ:

Կլիմա

Տեղի կլիման սուբտրոպիկական է, խոնավ, օդի ջերմաստիճանի փոքր տատանումերով, միջին ջերմաստիճանը կազմում է 27⁰C: Ջրի ջերմաստիճանը կազմում է 24⁰C: Անձրևային սեզոնը ձգվում է 8-9 ամիս, մայիսից մինչև դեկտեմբեր, իսկ չոր սոզոնը ձգվում է դեկտեմբերի կեսերից մինչև ապրիլ: Գարնան կեսերից ջերմաստիճանը բարձրանում է, օդի խոնավությունը մեծանում:

Տրանսպորտ

Խոշոր քաղաքներում տեղափոխման լավագույն տարբերակը տաքսին է: Ուղեվարձի մասին պետք է պայմանավորվել նախապես: Երկրի տարածքով արևմուտքից արևելք ձգվում է Պանամերիկյան խճուղին: Պանամայի ճանապարհները համարվում են լավագույնը Կենտրոնական Ամերիկայում, այդ պատճառով էլ զբոսաշրջիկները կարող են տեղաշարժվել նաև վարձակալած մեքենաներով: